Мөнхийн хөршийн мөнхийн гомдол

ОХУ-ын байр суурь ба нийтлэгч Баабарын тайлбар тэргүүтэн:

Цөмийн хаягдал өөртөө агуулж хөрш орнууддаа хохирол учруулж байна.

Цөмийн хаягдалыг Монголд булшлах гэж байгаа талаар сүүлийн үед их шуугих болсон нь юун түрүүн Монголын дотоод улс төрийн тэмцлээс үүдэлтэй. Цөмийн хаягдал Монголд булшлах дамжуулан тээвэрлэх нь хэд хэдэн хуулиар хориотой. Улс төрийн шинэ хуваагдлаар буй болж байгаа бүлэглэлүүд биенээ буруутгаж яллахын тулд энэ талаар гарсан батлагдаагүй мэдээллийг өргөнөөр ашиглаж байгаа. Тэр байтугай зарим нь гадаад орнуудад хамаатан саднаараа элдэв эсэргүүцлийн жагсаал зохион байгуулуулж буй нь эргээд дотоодын улс төрийн тэмцэлд ашиглах зорилготой болно. Харин Монгол улс цөмийн технологийг хөгжүүлэх, уран боловсруулах талаар хуулийн дагуу хөтөлбөр боловсруулж үүнд эхний ээлжинд жилд хоёр сая доллар зарцуулж байгаа нь Монголын өөрийнх нь асуудал юм. Арабын орнуудад шинээр баригдах гэж байгаа цөмийн станцуудад Монгол улс түлш бэлдэж нийлүүлэх талаар анхдагч яриа болсон нь өрсөлдөгч орнуудад нэлээд хардлага төрүүлж, Монголын дотоод улс төрийн тэмцлээс үүдэлтэй маргааныг улам дэвэргэж байгаа болно. Дэлхийн урааны нөөцийн хоёр хувийг агуулж байгаа, цаашдын судалгаагаар магадгүй 20 хувь хүрч болох том нөөцтэй учраас энэ бүхнийг олон улсын хараа хяналтын дор бусад орнуудтай хамтран ашиглах нь Монгол улсын эрх ашиг мөн. Цөмийн шаар булшлах маш ашигтай бизнест шинэ өрсөлдөгч гарч ирэхээс болгоомжилсон Оросын бодлого ч энд яваа. Учир нь оросууд Монголын хилээс холгүй шаар булшлах нэлээд том төвтэй. Монгол улс уран боловсруулах, алив оронтой хамтран байгаа ураан дээрээ түшиглэн энх тайвны зорилгоор цөмийн станцын түлш бэлдэх, энэ талын өндөр технологи оруулж ирэх бүрэн эрхтэй. Саяхан Монгол улсын ерөнхийлөгч цөмийн хаягдал булшлах ямар ч асуудал байхгүйг нотлохын зэрэгцээ ирээдүйд Монголд үйлдвэрлэгдэх цөмийн станцын түлшийг гадаадад нийлүүлсэн тохиолдолд шаар хаягдлыг нь эргүүлж авахгүй гэдгээ илэрхийллээ. Монгол улс нутаг дэвсгэртээ цөмийн шаар булшлах ямар ч бодолгүй, энэ нь хуулиар маш тодорхой хориглогдсон болно.

Ураан ашиглалт дээр хамтарч ажиллахаас байнга татгалзаж байгаа.
Монгол Зөвлөлтийн нууц гэрээгээр Мардай дахь урааны ордыг оросууд 1990 он хүртэл ашиглаж байсан. 1992 онд Оросын тал Мардайг Монголд бүрэн хүлээлгэж өгөн гарч явсан ба энэ талаархи бичиг баримт гэрээ ойлголцлыг олон улсын гэрээ эрхийн зарчмын дагуу үйлдсэн юм. Монгол өөрийн бүрэн эзэмшил болсон Мардайд хөрөнгө оруулах өөр орон компанийг урьж Канадын Хан Рисорс компани лицензийг нь авч энд нэлээд хэдэн жилийн туршид багагүй хөрөнгө оруулалт хийсэн билээ. 2007 оноос оросууд Мардайг хамтран эзэмших санал тавьж эхэлсэн ба үүний зэрэгцээ канадчуудыг хөөж гаргахыг шаардах болсон. Оросын удаа дараагийн хүчтэй шахалтын дүнд Монголын Засгийн газар Хан Рисорсын лицензийг хураан авсан. Үүнээс болоод канадчууд Монголын Засгийн газрыг олон улсын арбитрын шүүхэд өгч 200 сая долларын нэхэмжлэл гаргаад байгаа билээ. Энэ мөнгө нь ЗХУ-д тавьсан Монголын өрийг барагдуулсан нийт хэмжээтэй бараг тэнцэж байгаа юм. Мардайн урааны ордыг хэрүүл маргаан шүүх цагдаагүйгээр гурван талд бүгдэд нь ашигтайгаар шийдвэрлэх олон арга бий. Ийм шийдвэрийн талаар Оросын талаас санаачлага гаргахгүй, хий л гомдоллож байгаа. Монголын талд ч авилга хээл хахууль, албан тушаалын тэмцэл, бүлэглэл хоорондын маргаан гэх цэвэр дотоодын шалтгаанаас болж санаачлага гаргахаас тойрч байгаа явдал бий.

Эх сурвалж:
Мөнхийн хөршийн мөнхийн гомдол
Баабар
http://baabar.niitlelch.mn/content/3373.shtml

Илгээх | 1314 хүн уншсан

Сэтгэгдэл бичих
Сэтгэгдэл (2)

Нэгэн захидалын хэсгээс...
Манайхан нэг зүйлийг сайн ойлгохгүй байх шиг байна. Би ч бас эхлээд
судалж эхлэхээсээ өмнө үүнийг мэддэггүй байсан. Мэдсэнээсээ хойш
аюулд ороод буй ирээдүйнхээ төлөө тэмцэх хэрэгтэй бол ганцхан энэ зүйлтэй
л хамгийн түрүүнд тэмцэх хэрэгтэйг ойлгоод байгаа...

Цөмийн хорт хаягдал гэдэг зүйл зүв зүгээр байж байгаад л хий хоосноос
ургаж гарч ирдэг зүйл мэт бодоод Ерөнхий сайд, болон бусад дарга нар
хэлэхдээ "Монголд гадны цөмийн хаягдал хаяхгүй" гээд л батлаад байдаг.
Тэгсэн мөртлөө "Цацраг идэвхт ашигт малтмалын олборлолтыг хөгжүүлнэ,
гадаад руу уран гаргана, гадаад улсууд, Дэлхийн цөмийн энергийн
агентлаг, Япон улсын тусламжтайгаар АЦС Монголд барина" гэж ярьж байна.
Гэтэл нь эдгээр нь хамгийн гол хаягдлыг нь гаргадаг зүйлс нь юм. Эндээс
гарч байгаа (гаднаас орж ирэхгүй ч байсан...) их хэмжээний Depleted
Uranium, Spent Fuel хог хаягдлуудыг яах вэ? Эдгээр нь өнөөдөр бидэнд
онцын шаардлагагүй энэ зүйлсийг хийхийн хэрэг байна уу?

Өөрсдийнхөө хогийг нэгэнт хаях газар бариад хаяад эхэлмэгц их барьсан ч
өмхий бага барьсан ч өмхий ашиг олох тул гээд гадаадын хаягдлыг ч гэсэн
авъя гэсэн яриа гарах нь гарцаагүй. Нэгэнт өөрснөө ийм "өндөр түвшний"
цацраг идэвхт хаягдалтай болчихвол бусдынхыг хаясан ч үнэндээ ялгаагүй
болчихно. Ингээд л ЭХ НУТАГ МААНЬ ОЛОН УЛСЫН ЯЛГАДАСНЫ ЖОРЛОН БОЛЖ ХУВИРАХ
БАЙХ ДАА. Тэгэхээр бид үнэхээр л гаднаас хаях хог хаягдлыг эсэргүүцэж
байгаа л бол Уран олборлолт, АЦС барих хоёрыг эсэргүүцэж зогсоох,
хангалттай технологийн хөгжилд хүртэл бусад эрчим хүчний эх үүсвэрүүдийг
ашиглах технологиудыг хөгжүүлэх хэрэгтэй байх. Герман улс зүгээр ч нэг
цөмийн эрчим хүчнээс татгалзаад байгаа хэрэг биш болов уу!

* http://server.nuclearfreemongolia.com/downloads/flyer.pdf
* http://server.nuclearfreemongolia.com/downloads/flyer2.pdf

Эдгээр материалуудыг татаж аваад уншиж судлаад үзээрэй. Энэ талаарх
мэдлэгийг багцлан нэгтгэсэн бий. Хэрэв нягталж үзэхийг хүсвэл
http://www.nuclearfreemongolia.com/77110/ энэ хуудаснаас эх сурвалжуудыг
нь сонирхож үзэж болно. Хэрэв дэмжиж байвал хэвлээд ч юм уу эргэн
тойрныхоо хүмүүст уншуулахад ч илүүдэхгүй л байх даа...
Алмас хэзээ бичсэн: 05:37, 2011-09-24 | |
Энэ Баабар гэгч угаасаа л дандаа Монголын эсрэг юм бичиж хүмүүсийн тархийг угааж байдаг ууртай
Зочин хэзээ бичсэн: 05:35, 2011-09-24 | |



:-)
 

Уран, АЦС, цөмийн хаягдал

Ингэхэд уран[1] гэж юу вэ? Юу нь тийм аюултай юм бэ? Уран гэдэг бол цацраг идэвхт бодис[2] (radio active element) юм. Цацраг идэвхт бодис гэж тэгвэл юу вэ? Энэ нь атом нь тогтвортой бус өөрөө задарч өөр химийн элемент болох явцдаа цацраг туяа ялгаруулдаг бодис юм. Цацраг туяа гэж юу вэ?.

Дэлгэрэнгүй »

ШАР НУНТАГ баримтат кино

Энэхүү баримтат кино нь ураны уурхайн тухай та бүхэнд дэлгэрэнгүй мэдээлэл өгөх болно. Германчууд ураны уурхайгаа яагаад хаасан, Намиб уурхайчин бүсгүй ураны уурхайд хэрхэн ажилладаг гээд ураны уурхайтай холбоотой бүхий л сэдвийг энэ киноноос үзэх болно.

Дэлгэрэнгүй »

Атомын цахилгаан станц: үнэн худлыг өгүүлэх нь

Кёотогийн их сургуулийн Цөмийн реактор туршин судлах төвийн Коидэ Хироаки профессорын "原発のウソ" буюу махчилбал "Атомын цахилгаан станцын худал хуурмаг" номоос хэсэгчлэн орчуулсныг эндээс уншаарай.

Дэлгэрэнгүй »